ბათუმის საავტორო ფილმების მე-15 საერთაშორისო კინოფესტივალი გაიმართება 2020 წლის 13-20 სექტემბერს.
ბათუმის საერთაშორისო კინოფესტივალი 2006 წელს დაარსდა. კინოფესტივალის ორგანიზატორი – ბათუმის ხელოვანთა სახლი “არგანი”, ოფიციალურიპარტნიორი – ქ. ბათუმის მერია.
კინოფესტივალის ჩატარების დრო – 2020 წლის 13-20 სექტემბერი
კინოჩვენებები – კინოთეატრი «აპოლო» და «ღია კინოჩვენებები» ერას მოედანზე
2020 წლის კინოფესტივალზე საშულოდ 30-35 ქვეყნიდან წარმოდგენილი იქნება დაახლოებით 40 სრულმეტრაჟიანი მხატვრული და დოკუმენტური ფილმი და 40 მოკლემეტრაჟიანი ფილმი. მოწვეული იქნებიან სტუმრები ევროპიდან, აშშ-დან, პოსტ-საბჭოთა სივრციდან და აზიიდან.
- მასტერკლასები – კინოფესტივალზე სტუმრის სტატუსით ჩამოსული კინორეჟისორების მიერ ორგანიზებული იქნება საინტერსო მასტერკლასები კინემატოგრაფიის სტუდენტებისთვის და კინოს სფეროთი დაინტრესებული პირებისთვის
კინოფესტივალის პროგრამა შედგება შემდეგი სექციებისგან:
- საერთაშორისო კონკურსი – მხატვრული ფილმების სექცია
- საერთაშორისო კონკურსი – დოკუმენტური ფილმების სექცია
- საერთაშორისო კონკურსი – მოკლემეტრაჟიანი ფილმების სექცია
- საერთაშორისო კონკურსი – COVIDEO სექცია
- დიდოსტატთა კოლექცია
- CINEDOC პროგრამა
- ჟიურის ფილმები
- ქართული პანორამა
- კინოფესტივალის პრიზები – გათვალისწინებულია პრიზების შემდეგი კატეგორიები:
- მხატვრული ფილმების საერთაშორისო კონკურსი (ფილმებს აფასებს ხუთკაციანი საერთაშორისო ჟიური) – გრან პრი, საუკეთესო რეჟისურა, საუკეთესო მამაკაცის როლის შემსრულებელი, საუკეთესო ქალის როლის შემსრულებელი, ჟიურის სპეციალური პრიზი
- დოკუმენტური და მოკლემეტრაჟიანი ფილმების საერთაშორისო კონკურსი (ფილმებს აფასებს ხუთკაციანი საერთაშორისო ჟიური) – საუკეთესო დოკუმენტური ფილმი, ჟიურის სპეციალური პრიზი; საუკეთესო მოკლემეტრაჟიანი ფილმი, ჟიურის სპეციალური პრიზი
- კინოფესტივალის ყოველწლიური პრიზი მსოფლიო კინემატოგრაფიაში შეტანილი წვლილისათვის (ე.წ. LIFETIME ACHIEVEMENT) – ქართველი და უცხოელი კინომოღვაწესთვის
კინოფესტივალის ფარგლებში 16-20 სექტემბრის პერიოდში გაიმართება ინდუსტრიული პლატფორმა “ალტერნატიული ტალღა”, სადაც 9 ახალიქართული პროექტი იქნება წარმოდგენილი. მოწვეული ექსპერტების მიერ “ალტერნატიული ტალღა” 2020-ის მონაწილეები მიიღებენ კონსულტაციებს შემდეგი მიმართულებებით:
- სცენარის განვითარება.
- დაფინანსების სტრატეგია.
- საერთაშორისო ფონდები.
- კოპროდუქცია.
- პროექტის განვითარება.
- საერთაშორისო ფესტივალები.
- ინდუსტრიული პლატფორმები.
სიახლეები კინოფესტივალის შესახებ პერიოდულად დაიდება კინოფესტივალის ვებ-გვერდზე (www.biaff.org) და ასევე კინოფესტივალის FACEBOOK გვერდზეც – http://www.facebook.com/BIAFFBATUMI, რომელშიც ყველა დაინტერესებულ პირს შეუძლია გაწევრიანება და სიახლეების მიღება.