BIAFF კინოფესტივალი, პანდემიურ სიტუაციასთან დაკავშირებული შეზღუდვებიდან გამომდინარე ციფრულ/ონლაინ ფორმატში ტარდება.
არსებული რეალობიდან გამომდინარე კინომოყვარულებს საშუალება აქვთ ფილმები იხილონ მხოლოდ სახლში, მეგობრებთან ერთად (ვიწრო წრეში) და ა.შ. ციფრულ ფორმატში ჩატარება ახალი გამოცდილებაა (მართალია იძულებითი) ფესტივალის მენეჯმენტისთვისაც და მაყურებლებისთვისაც. შესაბამისად საინტერესო იქნება კომუნიკაცია / ინტერაქცია თუ როგორ ნახულობს ფილმებს აუდიტორია, როგორია მათი რეაქციები, მოსაზრებები ამ ფორმატთან დაკავშირებით. ამიტომ გადავწყვიტეთ ფოტო კონკურსის ორგანიზება და ფოტოების სახით ამ ახალი გამოცდილების დოკუმენტირება/წარმოჩენა.
ბათუმის კინოფესტივალი აცხადებს ფოტოკონკურსს – #biaffathome
კონკურსში მონაწილეობის პირობა – კონკურსში მონაწილებისთვის საჭიროა:
– კონკურსანტმა უნდა გამოაგზავნოს ფოტო – ა) ფეისბუქ გვერდზე (მესიჯის სახით) ან ბ) ელ. ფოსტაზე – biaffbatumi@gmail.com . ფოტოს გამოგზავნისას უნდა მიეთითოს – ფოტოს ავტორის სახელი და ფეისბუქ პროფილის გვერდი (რომ საჭირო შემთხევაში შევძლოთ დაკავშირება).
– ფოტო დაკავშირებული უნდა იყოს BIAFF კინოფესტივალის ციფრულ ფორმატთან – ანუ ასახავდეს პროცესს თუ როგორ უყურებენ ფილმს მაყურებლები – იქნება ეს სახლში, მეგობრებთან თუ რაიმე სხვა გარემოში. ასევე ფოტოზე შეიძლება გამოყენებული იყოს ბიაფფის ატრიბუტიკაც (ლოგო, მაისური და ა.შ.)
– გამოზგავნილი ფოტო დაიდება ბათუმის კინოფესტივალის ფეისბუქ გვერდზე (www.facebook.com/biaffbatumi – ფოტოკონკურსისთვის შექმნილ ცალკე ფოტო ალბომში, ჰეშტეგით – #biaffathome. შემდეგ კი ამ ფოტოალბომში დადებული ფოტო (და არა თქვენს პროფაილზე ცალკე ატვირთული ფოტო !!!) შეიძლება გააზიაროთ თქვენს ფეისბუქ პროფილზე იგივე ჰეშტეგით #biaffathome. კონკურსის პირობებისთვის ფოტოს „მოწონება“/LIKE უნდა მოხდეს უშუალოდ ჩვენს ფოტო-ალბომში დადებულ ფოტოზე.
– ფოტოკონკურსის პერიოდი – ა) ფოტოების გამოგზავნის პერიოდი – 17 ნოემბერი – 25 ნოემბერი ბ) გამარჯვებულის გამოცხადება – 28 ნოემბერი. 28 ნოემბრამდე შეიძლება აზიაროთ ფოტოები ფეისბუქზე და სხვებსაც შეუძლიათ მოიწონონ (LIKE) ფოტოები.